పరిచయం

మీరు క్రింది ప్రశ్నలకు జవాబు ఇవ్వగలరా:

1. సంవత్సరం అంటే ఏమిటి?
2. ఒక సంవత్సరంలో ఎన్ని రోజులు ఉన్నాయి?

గత తరగతిలో, మనం భూమి యొక్క భ్రమణం గురించి చర్చించాము. భూమి తన అక్షం పరంగా భ్రమణం చేస్తుండగా, అది సూర్యుని చుట్టు కూడా కదులుతుంది. సూర్యుని చుట్టూ భూమి యొక్క చలనాన్ని 'చుట్టూ తిరగడం ' అంటారు. చుట్టూ తిరగడం అంటే దేని చుట్టూ అయినా ఒక కక్ష్యలో కదలడం అని అర్థం.

భూమి యొక్క కక్ష్య:
సూర్యుడి చుట్టూ తిరుగుతున్నప్పుడు, భూమి ఒక నిర్దిష్ట మార్గాన్ని అనుసరిస్తుంది; ఈ మార్గాన్నే భూమి యొక్క కక్ష్య అంటారు. భూమి సూర్యుడి చుట్టూ ఒక చుట్టు పూర్తి చేసినప్పుడు భూమి తన స్వంత అక్షం పరంగా 365 సార్ల కన్నా కొద్దిగా ఎక్కువగా తిరుగుతుంది. అంటే, ఒక్కో చుట్టు దాదాపు 365 రోజులు మరియు 5.56 గంటలు తీసుకుంటుంది. ఈ అవధిని ఏమంటారో నువ్వు ఊహించగలవా? మనం ఈ అవధిని ఒక సంవత్సరం అంటాము. భూమి పైన సంవత్సరం యొక్క నిడివి 365 రోజులు¹.

భూమి యొక్క కక్ష్య ఆకారం ఏమిటి?

భూమి కక్ష్య ఎంత దీర్ఘ వృత్తంగా ఉన్నది?

పొడిగించిన దీర్ఘ వృత్తారంలో ఒక కక్ష్యని మీరు చూసి ఉంటారు. ఒక కోణం నుంచి చూసినప్పుడు ఒక వృత్తం ఒక దీర్ఘ వృత్తంగా కనిపిస్తుంది. ఒక గాజు లేదా పలుచని రింగు తీసుకోండి మరియు దానిని విభిన్న కోణాల నుండి చూడండి (లేదా గీయడానికి ప్రయత్నించండి).పై నుండి చూసినప్పుడు అది ఖచ్చితమైన వృత్తంగా కనిపిస్తుంది, ఒక కోణంలో నుండి చూసినప్పుడు అది దీర్ఘ వృత్తంగా కనిపిస్తుంది మరియు మీరు ఖచ్చితంగా పక్కవైపు నుంచి చూస్తే అది ఒక గీతగా కనిపిస్తుంది. చాలా సార్లు భూమి యొక్క కక్ష్యని 900 or 00 కాకుండా (పై నుండి కాదు లేదా కక్ష్య యొక్క తలం లోపల నుండి కాదు) వేరే ఒక కోణంలో నుండి ఒకరు చూసినట్లు గీయబడుతుంది. కక్ష్య యొక్క తలం నుండి చూసినట్లైతే, అది ఒక గీతగా కనిపిస్తుంది (చిత్రం 1).

చిత్రం 1: మూడు విభిన్న దృక్కోణాల నుండి సూర్యుడు-భూమి కుటుంబం
(ఎ: ధీర్ఘ వృత్తం లోపలి నుండి చూసినప్పుడు, బి: ఉత్తర ధృవం నుండి చూసినప్పుడు, సి: వాలుగా చూసినప్పుడు)

¹మిగిలిన 6 గంటలను మనం నాలుగు సంవత్సరాలకు కలుపుతాము మరియు ప్రతి నాలుగు సంవత్సరాలకు ఫిబ్రవరి నెలలో అదనంగా ఒక రోజు చేర్చుతాము. దీనినే లీపు సంవత్సరం అంటాము.

కార్యకలాపం 1: సూర్యుడి చుట్టూ భూమి తిరగడం(రోల్ ప్లే)

ప్రక్రియ:

1. జంటలుగా, కనీసం కొన్ని అడుగుల దూరంలో నిలబడండి.

2. ఒక్కో జంటలో, ఎడమ వైపున ఉన్న విద్యార్థి సూర్యుడుగా ఉంటారు మరియు కుడి వైపున ఉన్న విద్యార్థి భూమిగా ఉంటారు.

3. సూర్యుడు మరియు భూమి పరస్పరం ఎదురెదురుగా ఉండాలి. భూమి పాత్ర నిర్వహిస్తున్న వ్యక్తి సూర్యుడు పాత్ర నిర్వహిస్తున్న విద్యార్థి యొక్క ముక్కు పైన నిల్చున్నాడని అనుకుందాము.

4. కుడి చేతి బొటన వేలి సూత్రం ఉపయోగించి భూమి భ్రమణ దిశను గుర్తించండి.

5. భూమి నిదానంగా ఒక భ్రమణం చేయాలి మరియు సూర్యుడు తిరుగుతుండగా పరిశీలించండి. (గత తరగతులలో మీరు చేసినట్లు)

6. ఇప్పుడు భూమి సూర్యుడి చుట్టూ భ్రమణం చేయకుండా తిరగాలి మరియు అసలు స్థానానికి తిరిగి రావాలి. భూమి చుట్టూ తిరిగే దిశ భూమి యొక్క భ్రమణ దశ లాగే ఉంటాయి (ఉత్తర ధృవం నుంచి చూసినప్పుడు అపసవ్య దిశ).

7. ఇప్పుడు ఒకే సారి భూమి భ్రమణం చేస్తూ మరియు తన చుట్టూ తిరగాలి. ఆదర్శంగా, ఒక చుట్టు తిరగడానికి భూమి 365 సార్లు భ్రమణం చేయాలి. దానికి చాలా సమయం పడుతుంది! ఈ లోగా, ఒక చుట్టు పూర్తి చేస్తుండగా కనీసం పది సార్లు భ్రమణం చేయడానికి ప్రయత్నించండి.