మీ సొంత వేగాన్ని కనుగొనండి

మీరు పరుగు పందెం నిర్వహించాల్సిన అవసరం ఉంది. పూర్తి తరగతి పరుగు పందెంలో గ్రూపుల వారీగా పాల్గొంటుంది. ఒక్కో గ్రూపులో ఆరుగురు సభ్యులు ఉంటారు.



నిర్వహించాల్సిన కార్యక్రమం వివరాలు క్రింద ఇవ్వబడ్డాయి.

కార్యక్రమాన్ని నిర్వహించటానికి కావల్సిన సామగ్రి:

1. ట్రాక్ ని కొలవటానికి  మీటరు స్కేల్ లేదా కొలిచే టేపు

2. సమయం నమోదు చేయటానికి ప్రతీ గ్రూపుకి  నాలుగు స్టాప్ వాచీలు.  

3. డేటా రాయటానికి కాగితం మరియు పెన్ను.
    

కార్యక్రమం చేయటానికి ప్రక్రియ:

1. 40 మీటర్ల పొడవు ఉండే ట్రాక్ గుర్తించండి మరియు నాలుగు సమానమైన విభాగాలుగా విభజించండి. ఉదాహరణకు 40 మీటర్ల ట్రాక్ ని 10,20,30 , 40 మీటర్ల  దూరాల మధ్య గుర్తులు పెట్టాలి.

2. సమయం నమోదు చేయటానికి ప్రతీ విభాగం వద్ద స్టాప్ వాచ్ తో టైంకీపర్ గా గ్రూపు సభ్యుల్లో ఒకర్ని ఉంచాలి.

3. ఒక ప్రారంభ పాయింట్  గుర్తించండి మరియు చివరి పాయింట్ వరకు పరిగెత్తవల్సిందిగా  గ్రూప్ సభ్యుల్లో ఒకర్ని కోరండి.

4. పరుగు కోసం డేటాని నోట్ చేయండి.
   
   పెద్దగా స్టార్ట్ అని అన్నప్పుడు పరుగు ప్రారంభమవుతుంది. నలుగురు సభ్యులు టైం కీపర్ పని చేస్తారు. వారు తమ స్టాప్ వాచీల్ని సున్నా వద్ద ఉంచుతారు. రన్నర్ మొదటి విభాగం దాటినప్పుడు, అక్కడ ఉన్న  మొదటి టైంకీపర్ తన స్టాప్ వాచీని ఆపుచేస్తారు. రన్నర్ చివరి విభాగం పాయింట్ ని దాటేంత వరకు ఇదే ప్రక్రియ ప్రతీ విభాగంలో జరుగుతుంది.